एनवाइसिनेपालन्यूज संवाददाता

न्यू योर्क सिटी। नेपाल आदिवासी जनजाति महासङ्घ अमेरिका (फिप्ना) ले मेन्टल हेल्थ फस्ट एड प्रशिक्षण कार्यक्रम सञ्चालन गरेको छ।

फिप्नाले नेशनल काउन्सिल फर बिहेभियरल हेल्थसँग मिलेर नेपाली समुदायका झण्डै दुई दर्जन मानिसलाई नोभेम्बर २३ मा यो प्रशिक्षण दिएको हो। यो प्रशिक्षणसँगै उनीहरु मानसिक स्वस्थमा समस्या भएका मानिसलाई प्राथमिक उपचार उपलब्ध गराउन सक्ने भएका छन्।

मानसिक स्वस्थमा समस्या भएका मानिसलाई पहिचान गरी त्यस अनुसार प्राथमिक उपचार गराउन नसक्दा गम्भीर समस्या उत्पन्न हुने गरेको छ। गत मार्च २७ मा न्यू योर्क सिटी पुलिसले विन रोजारियो नामक मानसिक स्वस्थमा समस्या भएका बङ्गाली मूलका १९ वर्षीय युवालाई गोली हानी मारिदिएको थियो। रोजारियो आफैले प्रहरीलाई फोन गरी सहयोग मागेका थिए। सहयोगका लागि क्विन्सको ओजोन पार्कस्थित रोजारियोको घर पुगेका प्रहरीले नै गोली हानेका थिए। प्रहरीसँग मानसिक रोग पहिचान र उपचार गर्ने स्वास्थ्यकर्मी थिएनन्।

न्यू योर्क। नेपाल आदिवासी जनजाति महासघं अमेरिका (फिप्ना)ले लुम्बिनी प्रदेशका पूर्व मुख्यमन्त्री डिल्ली बहादुर चौधरीसँग अन्तरकृया गरेको छ। (फिप्ना)ले नोभेम्बर ९ तारिख शनिबार फिप्नाको कार्यालय एल्महस्र्टमा पूर्व मुख्यमन्त्री डिल्ली बहादुर चौधरीसँग मीट एण्ड ग्रीट गरेको हो। 

लुम्बिनी प्रदेशको प्रदेशसभा सदस्य चौधरी, लुम्बिनी सरकारका पू्र्व मुख्यमन्त्री, तथा केन्द्रीय सरकारमा श्रम तथा रोजगार राज्यमन्त्रीको रुपमा काम गरिसकेका छन्। 

कार्यक्रमको शुरुमा फिप्नाका सचिव दाजिमा शेर्पाले प्रदेशसभा सदस्य डिल्ली बहादुर चौधरीले गर्नुभएका संघर्षहरु, २ लाख कमैयाहरुलाई मुक्त गराउन गरेका कामको बारेमा जानकारी गराएका थिए । 

माननिय डिल्ली बहादुर चौधरीले आफ्नै बाजेहरु र बुबाको प्रेरणाले कमैया मुक्तीको लागि लड्ने र शिक्षाको ज्योति बाँड्नुपर्छ भन्न प्रेरणा मिलेको बताए।